Maansada: Maandeeq

Image

Maansada: Maandeeq

Maansadan “Maandeeq” oo aan ku halqabsaday Bashiir M. Xersi, oo maanso la yiraa “Masuul” hore u daabacay. Anoo maanka ku haya caqabada jira ayaan jeclaystay inaan dareenkayga ku cabbiro sida aan u arko xaaladda guud ee delka, waxayna maansadu ku billaabatay:

 

Maansada: Maandeeq

 

1:Bashiiroow mar iyo laba

2:Milyan iyo malaayiin

3:Maa shaa Alla mi’ateyn

4:Salaan mudane iga hoo

5:Macalinka Abwaankoow

6:Maareeyaha aqoontoow

7:Mideeyaha barbaartoow

8:Madaxii waddanigow

9:Masuul maansadaadii

10:Meeriskeedi dheeraa

11:Ii keen maqaalkii

12:Waana kaa mihiibaye

13:Ninba waa markiisee

14:Waa Maandeeqe iga qabo

 

15:Maandeeq waxey tiri:

16:Taariikhda meeraha

17:Arbaciin milaadiyah

18:Iyo maalmo dheeriya

19:Inaan oon miliilica

20:Qatin meehannaaw ahay

21:Masaafada aroorkuna

22:Guul maalin dheer tahay

23:Wadadiyo mariinkana

24:Inta magac dugaag yahay

25Mashmashiiq sanaayaan

26:Ma’wiguna mir cabid yahay

27:Mugdi ceelku shubid yahay

28:Mataantuna masleey tahay

29:Mitir baacu boqol yahay

30:Sursuurtuna middiyo tahay

31:Meyrax dowliskii yahay

32:Wadaantuna mudmudan tahay

33:Darku miciyo bahal yahay

 

34:Kii madada la geliyana

35:Intuu miisto kaligiis

36: Oo maaxda maadsaday

37:Inuu aniga malaxiyo

38:Miliq iyo muliyo dhiig

39:Munro iyo mur waabaay

40:Milil quruna ii dhuray

41:Madeex ololka mohashada

42:malabsiga il mirigyada

43:Miciin waaga murugada

44:Dacda laba magaawyada

45:Mergashada ku saxashada

46:Muurmuursi leqid waa

47:Marjacyeeynta quustaa

48:Hadba meela dhugashada

49:Is majiirka samirkaa

50:Ninkii moog mid ima taro

51:Masuulna igama noqon karo.

 

52:Maandeeq waxey tiri:

53:Inaan Jiicya Meeygaag

54:Geed ku miiga xiranahay

55:Marqa saarta dheegiyo

56:Miskihiyo majiyo muruq

57:Madax iyo ilaa kuris

58:Mergi iyo ilaa Daqay

59:Mayraq iyo mud iyo dhinac

60:Meel kastoo jirkeeygaa

61:Shilin iyo Muqleeyiyo

62:Kudkudiyo Mudaay iyo

63:Maaroole igu dhegey

64:Midabkeygi doorsamay

65:Mansabkiina iga lumay

66:Afartana ka maranahay

67:Maqaarreeyna aan ahay

68:Maqashiyo dhasheydana

69:Maqal iyo war mooyee

70:Muuqaal is arag weli

71:Ninkii moog mid ima taro

72:Masuulna iga noqon karo!

 

73:Maandeeq waxey tiri:

74:Meermeerka waayadan

75:Wax isoo maraa jira

76:Oonan maanta yeeleen

77:Intaan madal ka baaqsaday

78:Hadba meel la ii diray

79:Madadaalo been iyo

80:Maaweelo ley shiday

81:Markaan guul maleeyaba

82:Mid ka daran middii hore

83:Maltab leygu sii ridey

84:Majaxaabo ley dhigay

85:Is marmaarin teydii

86:Markaan soo maleegtaba

87:Mooshin kale la ii furay

88:leygu celiyey meeshii

89:Oon weli madluun ahay.

 

90:Maandeeq waxey tiri:

91:Masuulladii i soo maray

92:Iyo maamulkoodii

93:Maandhaytki godobaha

94:Markaan miir xisaabiyey

95:Macaash mira dhalkeedii

96:Miisaanka boqolleey

97:Wuxuu soo minguuriyey

98:Mu’aamarad maleeg iyo

99:Musuq maasuq baahiyo

100:Mixnad iyo shirqool iyo

101:Qabyaalado mutuxaniyo

102:Madfac iyo dagaaliyo

103:Meyd meyd sugaayiyo

104:Maral muusanaabiyo

105:Magan magan u hoyatiyo

106:Waxaan ii macaanaan.

 

107:Maandeeq waxey tiri:

108:Nin musaafir socotaa

109:Oo la soo madaahimay

110:Marxabbeeye duul kale

111:Misna maro qabiil huwan

112:Tiisuna u meel taal

113:Oo labo matooraa

114:Xarga miliqa howshiyo

115:Meer meertadaan taal

116:Iga mootin maayee

117:Maxaa laga minsugayaa?

118:Waan sii macluuliye.

 

119:Maandeeq waxey tiri:

120:In kastuu mardaadiyo

121:Adduunyadoo dhan soo maro

122:Mudanoow la soo dhaho

123:Maal badanna soo helo

124:Is maqiiqo weleigiis

125:Ima maali doonoo

126:Dambar malable moobada

127:Inta moow ka buuxiyo

128:Oo magaabo laba jeer

129:U sii shiibo maatada

130:Wallee mahad ma uu naqo.

 

131:Maandeeq waxey tiri:

132:Maxaa middaan mudnaay iyo

133:Maladeeyda beeniyey?

134:Meesha laygu mihiyiyo

135:Mindhisyada maxey baday?

136:Madanahaan lahaay iyo

137:Maxaa tiray mareegtii?

138:Maxaa miinka midixiyo

139:Igu dhigay falleer midig?

140:Maxaa mooradeeydii

141:Mandaqado u qeybiyey?

142:Maxaa tobanka magac iyo

143:Ii bixiyey moorolaan?

144:Maxaa muruqyadeydii

145:Midba meel ku kala xiray?

146:Maxaa miro shantaan dhalay

147:Kala geeyey meelaha?

148:Maxaa muuqa liitiyo

149:Isku maan ka wada dhigay?

150:Maxaa mahurtadeydii

151:Mabda’oodi kala raray?

152:Macnihiyo ujeedada.

 

153:Maandeeq waxey tiri:

154:Haddii aan maskaxi talin

155:Laga miirin aragtida

156:Caqli aan la sii marin

157:Runta miis la soo dhigin

158:Aqoon lagu maqooradin

159:Mudanaha la soo xulin

160:Daacad loo muraad kicin

161:Danta guud mid loo noqon

162:Wallee macandideydiyo

162:Inaan miidda loo dhicin!

Dhammaad.

 

Curiye:

Maxamed Xuseen Faarax

Maansada “Masuul” halkan hoose ka daaloco:

https://bilediraac.wordpress.com/2013/12/16/maansada-masuul/

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s